MGA MAMUMUO, YAWE SA ATONG PAGBARUG OG BALIK
DAKO and akong pagyukbo ug pagtahud sa tanang mamumuo sa tibook kalibutan, ilabina diri sa atong pinalanggang dakbayan sa Cagayan de Oro, kinsa nagsaulog sa Labor Day karong adlawa, Mayo 1, 2022.
Ako nagatoo nga ang mga mamumuo usa sa mga yawe sa pagbarug og balik sa atong ekonomiya nga nahugno tungod sa Covid-19 pandemic.
Busa lakip gayud sila sa atong plataporma nga gitawag natong RISE 2022 kay kami sa Team KaubanTaUy nagatoo gayud nga ang pagbarug og balik ug pagpa-uswag pa sa atong ekonomiya nagkinahanglan sa pakiglambigit og pag-alayon sa tanang sektor sa atong dakbayan.
Giklaro sa among plataporma de gobierno nga pirmi nag-una ang katawhan kay ang katawhan man ang hinungdan nganong gusto namong ipadayon ug ipa-uswag pa ang mga nasugdan na nga mga programa alang sa padayong paglambo ug pag-uswag sa atong mga kinabuhi ug pinanggang dakbayan.
Usa sa polisiya nga among gustong maimplementar mao ang kabahin sa Active Labor Market Policies (ALMPs) nga mokutay o mokonektar sa mga mamumuo ngadto sa labor market aron ma-promote nato ang usa ka equitable ug sustained recovery.
Kung ang nasudnong pangagamhanan adunay kaakuhan para mabalik ang kalagsik sa atong ekonomiya, mas dako ang kaakuhan sa mga local government units (LGU) kay ang mga LGUs mao ang anaa sa frontlines aron makab-ot ang gihandum nga short- ug long- term economic recovery.
Usa sa pinakadakong hagit nga angay natong atubangon niining mga panahona ug hatagan og igong pagtagad ug ensakto ug malahutayong tubag mao ang mga kalainan ug kabag-ohan sa atong kinabuhi, ilabina sa natad sa ekonomiya ug negosyo, dala sa Covid-19 pandemic diri sa atong dakbayan.
Busa kami sa Team KaubanTaUy naghangyo kaninyo sa kinasing-kasing nga inyo kaming tabangan karong Mayo 9 aron among maplastar og ma-implementar ang among mga tumong ug tinguha subay sa RISE 2022 namong plataporma de gobierno aron kitang tanan makatagamtam og usa ka equitable ug sustain nga recovery gikan sa COVID-19 pandemic.
Sa Pag-Uswag, Kauban Ta Uy! (PR)
