Wala moingon si Bise Presidente Leni Robredo nga makig-alyansa siya sa Communist Party of the Philippines ug New People’s Army nga tawgon nila og “Angat Buhay Alliance.” Dili usab tinuod nga kini nga alyansa magtukod og usa ka gitawag nga "Bag-ong Gobyerno."
Sukwahi kini sa gipakatap sa Twitter account nga “Angat Buhay New Government” nga gidumala ni @NewGovOrgABF.
Dili “Angat Buhay Alliance” ang gipahibawo ni Robredo kon dili “Angat Buhay NGO” nga ilang tukoron aron mapadayon ang boluntaryong giumol sa iyang mga dumadapig atol sa kampanya.
Official announcement of @VPPilipinas Vice President Leni Robredo#angatbuhay #AngatBuhayNGO #AngatBuhayLahat #newgovorgabf#AngatBuhayAlliance pic.twitter.com/LU7oqlyZlW
— Angat Buhay New Government (@NewGovOrgABF) June 3, 2022
Kon tukion ang maong hulagway gamit ang peke nga statement ni Robredo o kaha quote card, mamatikdan nga ang desinyo niini gikan lang sa tinuod nga quote card nga giisyu sa kampo ni Robredo. Ang mga bahin sa imahe gikan sa lain-laing mga tinuod nga art card gisumpay-sumpay ug gibutang sa opisyal nga “VP Leni Robredo” Facebook page.
Dili usab kini ang unang higayon nga ang Twitter account nga “Angat Buhay New Government” nipakatap og sayop nga impormasyon. Gani, ang kampo ni Robredo nipagawas og "Fake News Advisory" niadtong Mayo bahin niini.
"Ang Twitter account nga 'Angat Buhay New Government' o @NewGovOrgABF dili konektado sa Opisina sa Bise Presidente o VP Leni Robredo," ingon sa pahayag.
sukad niadtong Marso 13, gipanghimakak ni Robredo ang pagkaylap sa bakak nga impormasyon bahin sa iyang giingong kalambigitan sa CPP, NPA, ug NDF.
Kini nga artikulo gihubad sa bisaya sa Mindanao Gold Star Daily gikan sa fact check ni Ciara Annatu, ABS-CBN Investigative & Research Group sa ABS-CBN News ug gipatik kini ni adtong Hunyo 11 karon tuiga.
(The Mindanao Gold Star Daily is part of the more than 100 organizations online initiative from media, coalitions, civil society, business, academe, law, and the religious sector called ‘#FactsFirstPH.’ The initiative aims to collectively push for truth-telling and debunking lies through four steps: fact-checking by news organizations; networking by civil society and grassroots groups; research and analysis by academic institutions; and seeking accountability by lawyers’ groups.)
